पुणे, भारत (२२ फेब्रुवारी, २०२३) – भारतासह जगभरातील शेतकऱ्यांना सेवा देण्यासाठी जॉन डिअर सातत्याने उत्पादन, प्रतिभा आणि भारताच्या पुरवठा साखळीत इनोव्हेटिव्ह कल्पकतेद्वारे गुंतवणूक करीत आहे. या सर्व कल्पकता तांत्रिकदृष्ट्या प्रगत उत्पादने व सेवांद्वारे शेती उत्पादकता वाढवण्यासाठी डिझाईन करण्यात आल्या आहेत.
KhetiGaadi always provides right tractor information
यामधील इनोव्हेटिव्ह उदाहरण म्हणजे ‘5 M’ सिरीज मधील ट्रॅक्टर आणि उत्पादन प्रणालीचा दृष्टीकोन, जो अधिक हॉर्सपॉवर, प्रगत वैशिष्ट्ये आणि अचूक टेक्नॉलॉजी प्रदान करतो. या ट्रॅक्टरचा उद्देश शेती करण्याचा खर्च कमी करणे आणि उत्पन्न पातळी वाढविणे, हा आहे.
ही उत्पादने व उपाय म्हणजे, शेतकऱ्यांना ट्रॅक्टर, कापणी यंत्रे आणि उच्च-टेक्नोलॉजी आधारित अवजारे यासह टेक्निकलदृष्ट्या उत्कृष्ट शेती साधानांची विस्तृत श्रेणी प्रदान करण्यासाठी ‘डिअर’ च्या सतत प्रयत्नांची अलीकडील उदाहरणे आहेत.
यासंबंधी माध्यम भागीदारांचे मुकुल वार्ष्णेय, संचालक – कॉर्पोरेट अफेअर्स, जनसंपर्क, माध्यमे व संवाद यांनी मीडिया पार्टनरसचे डिअरकडून स्वागत केले. ‘जॉन डिअर हे कृषी आणि गवताळ जमिनीवरील उपकरणे, उत्पादने आणि उपायांचे जगातील आघाडीचे उत्पादक आहेत. जॉन डिअरकडून बांधकाम आणि वनीकरण उद्योगालादेखील सेवा दिली जाते. प्रगत टेक्नोलॉजी आणि उपायांद्वारे आम्ही आमच्या ग्राहकांना आर्थिक आणि शाश्वत मूल्य, हे दोन्ही वितरीत करण्यासाठी अद्वितीय स्थानावर आहेत. आम्ही भारतातील २५ वर्षांच्या प्रवासात भारतीय शेतीतील परिवर्तनाचे साक्षिदार राहिलो आहोत. जॉन डिअरमध्ये आम्ही खरोखरच आमचा उच्च उद्देश जगत आहोत. ‘We run so life can leap forward.’ कंपनीचा १८७ वर्षांचा वारसा सांगताना वार्ष्णेय यांनी हे विचार मांडले.
“पॉवर स्टीयरिंग, गरम होऊ नये यासाठी ऑइल ईमेर्ज्ड डिक्स ब्रेक्स , चक्रीय वेग देणारे प्लॅनेटरी रिडक्शन, पंपद्वारे सुट्या भागांना तेल पुरविणारे फोर्स फीड ल्युब्रिकेशन, उच्च क्षमतेचे यंत्रांसह फ्रंट पीटीओ, परमा क्लच, AutoTrac™, PowrReverser™ and JDLink™, यांसारख्या मूल्यवर्धित च्या प्रगत उत्पादन वैशिष्ट्यांसह २५ वर्षांपूर्वी भारतातील आमचा प्रवास सुरू झाला. जॉन डिअरने भारतात या प्रगत वैशिष्ट्यांचा इनोव्हेटिव्ह शोध आणि ओळख करुन देणे सुरू ठेवले आहे. ही उत्पादने आता उद्योगाचे मानक बनत आहेत. शेतकऱ्यांचा दृष्टीकोन प्रगतीशील आहे. मूल्य आणि खर्चाचे फायदे दिसतात, तेव्हा ते टेक्नोलॉजीशी सहज जुळवून घेतात’, असे शैलेंद्र जगताप, व्यवस्थापकीय संचालक म्हणाले.
जगताप म्हणाले की, ‘देशाचे अन्न सुरक्षा अभियान तसेच वाढत्या लोकसंख्येच्या बदलत्या आहाराच्या गरजा पूर्ण करण्यासाठी डीअर कायम वचनबद्ध आहे.’ त्यांनी असेही नमूद केले की, ‘भारताला निर्वाहआधारित शेतीपासून कृषी-उद्योजकतेकडे नेण्याचा डिअरला अभिमान आहे.
संपूर्ण शेती साधनासाठी आणि शेतीच्या यांत्रिकीकरणाच्या प्रवासात महिला शेतकर्‍यांचा समावेश करण्यासाठी आमचे प्रयत्न हे आमच्या ग्राहकांनी खूप मोलाचे मानले आहेत. आम्ही महिला शेतकर्‍यांना स्वत: कौशल्य आणि आर्थिकदृष्ट्या स्वावलंबी बनविण्यात मदत करीत असल्याने त्यांच्या कुटुंबाचा आम्हाला अभिमान वाटतो.’
आपल्या २५ वर्षांमध्ये, जॉन डिअरने भारतातील उत्पादनातील गुंतवणूक व उत्पादन विकासामध्ये गुंतवणुकीसाठी महत्त्वपूर्ण वचनबद्धता दर्शविली आहे.
• पुणे (महाराष्ट्र) आणि देवास (मध्य प्रदेश) मध्ये ट्रॅक्टर उत्पादनाची ठिकाणे
• पुणे (महाराष्ट्र) मध्ये इलेक्ट्रॉनिक्स प्रणाली उत्पादन
• पुणे (महाराष्ट्र) येथे भारत अभियांत्रिकी केंद्र
• पुणे (महाराष्ट्र) येथे उद्योग टेक्नोलॉजी केंद्र
• पुणे (महाराष्ट्र) आणि बेंगळुरू (कर्नाटक) मध्ये जागतिक माहिती- टेक्नोलॉजी (आयटी) केंद्र
• नागपूर (महाराष्ट्र) आणि इंदूर (मध्य प्रदेश) मध्ये स्पेअर पार्ट्स वितरण केंद्र
• पुणे (महाराष्ट्र) मध्ये जॉन डीअर फायनान्शियल सर्व्हिसेस
• देशभरातील ५८० चॅनल भागीदारांतर्गत १२०० टच पॉइंट्स, २२ शाखा कार्यालये आणि ४ विभागीय प्रशिक्षण केंद्रे
• विर्टगेन ग्रुप – जॉन डिअर कंपनी पुणे (महाराष्ट्र) येथे
जगताप म्हणाले की, ‘जॉन डिअरने ट्रॅक्टर आणि शेती उपकरणांमध्ये तंत्रज्ञान आणण्यातदेखील आघाडी घेतली आहे. यामुळे प्रत्यक्ष शेती करताना आवश्यक कामांची संख्या कमी होऊन तसेच खते आणि रसायनांचा कार्यक्षम वापर करून शेती करण्याची एकूण किंमत कमी होते. यामुळे शाश्वत उद्दिष्टे पूर्ण करणे आणि कमी उत्सर्जन, अशा दोन्ही पर्यावरणाचे संरक्षण करण्याबाबत डीअरच्या धोरणात्मक महत्त्वाकांक्षा पूर्ण करण्यास मदत करतात.
उदाहरणार्थ, ते म्हणाले, ‘फ्रंट पीटीओ (पॉवर टेकऑफ) आणि खास डिझाईन केलेल्या फ्रंट फार्म अवजारांसारखी तंत्रज्ञानाचा वापर असलेली उत्पादने आणल्याने काही शेतकामांचा खर्च २५ टक्क्यांहून अधिक कमी होण्यास मदत झाली आहे आणि यामुळे ग्रीनहाऊस गॅस उत्सर्जनदेखील कमी झाले आहे.
जॉन डिअरच्या भारतातील ऑपरेशन्सबद्दल :
जॉन डिअर उद्योग तंत्रज्ञान केंद्र व जागतिक आयटी केंद्र, पुणे हे जागतिक स्तरावर विविध जॉन डीअर व्यवसायांना उत्पादन अभियांत्रिकी, उत्पादन, गुणवत्ता, पुरवठा साखळी, आयटी सोल्यूशन्स आणि ग्राहक समर्थन सेवा या क्षेत्रांमध्ये मूल्य वाढवणाऱ्या सेवा आणि साधने प्रदान करतात. या केंद्रातील अभियंते हे संकल्पना आणि डिझाइनपासून उत्पादन वितरणापर्यंत संपूर्ण एकगठ्ठा क्षमता प्रदान करतात. याव्यतिरिक्त, ते सायबर सुरक्षा, वित्त तंत्रज्ञान सोल्यूशन्स, एकात्मिक सुविधा प्रदान करणारी स्मार्ट कनेक्ट फॅक्टरी, रोबोटिक प्रक्रिया स्वयंचलीकरण, स्मार्ट कनेक्ट मशीन्स आणि रिअल टाइम ग्राहक कनेक्टिव्हिटीसह ग्राहकांना सामोरे जाणारे उपाय, यासारख्या क्षेत्रांत सुविधा प्रदान करतात. चमूकडे कृत्रिम बुद्धीमत्ता (एआय) व एमएल क्लाउड कंप्युटिंग, डेटा सायन्स आणि डेटा अॅनालिटिक्स सारख्या क्षेत्रांमध्ये डोमेन कौशल्य आहे.
पुण्यातील जॉन डिअरच्या इंडिया इंजिनीअरिंग सेंटरकडे डिझाइन आणि युटिलिटी ट्रॅक्टरमधील इनोव्हेटिव्हतेसाठी जगभराची जबाबदारी आहे. जगताप म्हणाले की, ‘पर्मा-क्लच, फ्रंट पीटीओ, पॉवर रिव्हर्सर, टेलिमॅटिक्स आणि वातानुकूलित केबिन, ही उत्पादन वैशिष्ट्ये ग्राहकांसाठी स्वागतार्ह वैशिष्ट्ये आहेत. ग्रीन सिस्टीम अर्थात हरित-पर्यावरणावर आधारित शेती अवजारे आणि जॉन डिअर कंबाईन हार्वेस्टर्स जोडून संपूर्ण शेतीचे उपाय तयार केले आहेत.’
रमाकांत गर्ग, संचालक, विक्री आणि विपणन, म्हणाले, ‘आम्ही जॉन डिअर उत्पादने विविध कृषी-हवामान परिस्थितीनुसार व विविध पीक प्रकारांसाठी पुरवतो. हे तंत्रज्ञान भारतातील आमच्या वाढीसाठी महत्त्वाचे ठरले आहे. आमचा उत्पादन पोर्टफोलिओ वैयक्तिक शेतकरी, कंत्राटी शेतकरी आणि सानुकूल नोकरीच्या व्यवसायात असलेल्या उद्योजकांना सेवा देतो. आमची पुरवठा संरचना उत्पादनाच्या जीवनचक्राद्वारे शेतकऱ्यांना सेवा देण्यासाठी सुस्थितीत आहे. ग्राहकांच्या समाधानात आम्ही देशात प्रथम क्रमांकावर आहोत.’
गर्ग पुढे म्हणाले की, ‘जॉन डीअर फायनान्शियल सर्व्हिसेस हे डिजिटल प्लॅटफॉर्मचा चांगला फायदा घेतात आणि पारदर्शकता, वेग तसेच सुविधा प्रदान करतात, जे ग्राहकांसाठी फायदेशीर आहे. पाच वर्षांची वॉरंटी आणि सुटे भाग, तत्पर सेवा व महिलांना शेतीमध्ये समाविष्ट करणे यामुळे आमच्या ग्राहकांना वास्तवातच हा त्यांचा “जिंदगी का बेस्ट डिसिजन” असल्याचे वाटते.’
जगताप यांनी संपूर्ण कृषी उद्योगाचा दीर्घकालीन विकास करण्यासाठी डिअर यांची वचनबद्धता स्पष्ट केली. किमतीचा फायदा, विश्वासार्ह आणि दर्जेदार पुरवठादार आणि जागतिक स्तरावर ११० हून अधिक देशांमध्ये शेतकऱ्यांना सेवा देणारी उत्पादन परिसंस्था, यामुळे डीरेला भारतातील पुरवठा साखळी, प्रतिभा आणि बाजारपेठ यामध्ये चांगला फायदा होते.
मुकुल वार्ष्णेय, संचालक, कॉर्पोरेट अफेयर्स म्हणाले, ‘सध्याचे वातावरण आणि केंद्र व राज्य सरकारचे प्राधान्य, कृषी सुधारणा आणणे तसेच शेतकऱ्यांचे उत्पन्न वाढविणे याला आहे. कृषी पीक मूल्य साखळीतील अचूकता आणि प्रगत तंत्रज्ञान महत्त्वपूर्ण आहे. उत्पादकता आणि शेतकरी नफा, यावर दूरगामी परिणाम करण्यासाठी उद्योग, शिक्षण आणि सरकार एकत्र येत आहेत. जॉन डिअर या प्रयत्नांमध्ये अग्रेसर राहतील आणि आमच्या शेतकऱ्यांच्या बाजूने काम करतील.’
वार्ष्णेय पुढे म्हणाले, ‘डिअर हे केंद्र आणि राज्य सरकारांमध्ये कृषी- टेक्नोलॉजी, सार्वजनिक-खाजगी भागीदारी आणि ग्रामीण तरुणांना कुशल बनवण्यासाठी धोरणात्मक सुधारणांना समर्थन करते. यातून परंपरागत कृषी पद्धतीतून आधुनिक आणि महत्त्वाकांक्षी शेती पद्धतींकडे स्थलांतरित होण्याचा मार्ग मोकळा होतो. ट्रॅक्टरमध्ये इलेक्ट्रॉनिक आणि इलेक्ट्रॉनिक घटकांचा वापर वाढता आहे, सरकारने याची दखल घेतली आहे आणि एकात्मिक शेती परिसंस्थेच्या आवश्यकतेनुसार सुधारणांचे नियोजन केले आहे.’
जॉन डिअरच्या भारतातील उपस्थितीला बळकटी देणारी एक अतिरिक्त बाब म्हणजे, पुण्यात कारखाना असलेल्या विर्टगेन ग्रुपचे २०१७ चे अधिग्रहण. विर्टगेन ग्रुप ही जगातील सर्वात मोठी रस्ते बांधणी कंपनी आहे.
ट्रैक्टर, ट्रैक्टर वीडियो और ट्रैक्टर गेम से संबंधित जानकारी प्राप्त करें; और खेती से संबंधित अपडेट के लिए खेतिगुरु मोबाइल एप्लिकेशन पर जाएं।
To know more about tractor price contact to our executive
